ကောင်းကင်ပြာ

အဝေးဆုံးကိုကြည့်
တိမ်ခိုးဝေဝေနဲ့ကောင်းကင်
ဒီနေ့တော့ခပ်ပြာပြာပေါ့.............

အနီးဆုံးကိုမှန်း
ချစ်ဆုံးမောင်ရဲ့ရင်ခွင်
ဒီနေ့တော့ခပ်နွေးနွေးပေါ့................

ခန့်မှန်းရခက်တဲ့ရာသီနဲ့အတူ
အမြဲမပြာတဲ့ကောင်းကင်အောက်မှာ
ရင်ခွင်အဖြစ်အမြဲတည်နေတဲ့
နွေးထွေးတဲ့မောင့်ရင်ခွင်ကတော့
မြတ်နိုးမှုအရောင်ခပ်ပြာပြာနဲ့
ထာဝရကိုယ့်ရဲ့ကောင်းကင်ပြာ..............

အရည်ရွှမ်းစိုလရိပ်ချို

လက်တစ်စုံသာ
အရောင်ရဲရဲလေးပေါ့
လှပတဲ့သစ်သီး
နာမအတည် ပန်းသီးတဲ့............
သူကျွေးခဲ့တာလေ
နှစ်ယောက်အတူတူပေါ့
မျက်လွှာအသာချ
အရည်ဖျော်လိုက်မိတာ
တဘဝလုံးသိမ်းကျုံးပြီးတော့ပေါ့...........
ခပ်စိုစိုအကြည့်တွေနဲ့
ထိတွေ့ပေါ့အခါခါမှာ
လှိုက်ဖိုတာကဗျာမပါ
လရိပ်ချိုက မက်မပြေတဲ့
ရသကမ္ဘာ..............

သက်သေ

အမှတ်မဲ့ဆုံစည်းခြင်းရဲ့နောက်ပါး

အချစ်များစွာနဲ့ခယမိခဲ့တာ

မင်းစကားလုံးလေးတွေအောက်

နာခံထားတဲ့ငါ့နှလုံးသားလေးသက်သေပါ.............

လစ်ဟာနေတဲ့မင်းအတွက်ကွက်လပ်လေးတစ်ခုအား

ငါ့ဖြူစင်မြင့်မြတ်မှုများအားလုံးပုံအော

စတေးဖို့သက်သက်ခွဲထွက်ခဲ့တာ

နွေးထွေးတဲ့အသိုက်မြုံလေးကပါ...........

သိမ်မွေ့စွာခံစားလိုတဲ့

မင်းချစ်ခြင်းရသအားလုံးဟာ

ငါ့ရဲ့ဘဝဆိုတာ

ချစ်မိတဲ့နှလုံးသားလေး

ခပ်ရေးရေးလေးကျဉ်လာတဲ့တနေ့မှာ

ချစ်ခြင်းများစွာနဲ့သာ သက်သေပြန်ပြစမ်းပါ...........

နှစ်ယောက်တစ်ယောက်

အရိပ်မဲ့နေရောင်အောက်မှာ

ကြင်နာရိပ်လေးတွေ့ရတဲ့နောက်

အမုန်းမဲ့ဇုန်တခုထဲ နှစ်ယောက်အတူသွား...........

မှောင်နက်နေလရိပ်အောက်မှာ

မြတ်နိုးမှုကြယ်စင်လေးပိုင်ဆိုင်ရတဲ့နောက်

အချစ်သီးသန့်ကမ္ဘာတခုထဲ နှစ်ယောက်အတူလျှောက်သွား...............

ပြင်းရှရှလေနုအေးအောက်မှာ

အမုန်းအပူစုစည်းမိတဲ့နောက်

အာဃာတဝင်္ကာပါထဲ တစ်ယောက်တည်းရောက်သွား..............

မီးရင်ခွင်ရိပ်အောက်မှာ

ခွဲခွာမှုသီအိုရီကိုအလွတ်ကျက်ရတဲ့နောက်

စိတ်တေလေဟင်းလင်ပြင်ထဲ တယောက်တည်းကျန်ရစ်သွား..................... ..

ရင်ခွင်တခုအတွက်

ဆင်ခြေမပေးချင်နဲ့
မပြုံးပဲစောင်းကြည့်နေတဲ့
မျက်ဝန်းအစုံရဲ့နောက်
မဖောက်လွှဲတဲ့အကြင်နာတစုံ
ရှိနေရင်ပြီးရော...............
ရှောင်လွှဲမယ်မကြံနဲ့
အပြုံးမဲ့မျက်နှာပြင်မှာ
အမြတ်နိုးဆုံးချစ်ခြင်းမေတ္တာတွေ
သိုဝှက်ထားဆဲဆိုရင်ပြီးရော.............
ဖယ်ခွာမယ်မတွေးနဲ့
အမှတ်မရှိဒီအသည်းမှာ
မမာနိုင်တဲ့အမုန်းကဏ္ဍတွေ
ဆိတ်သုဉ်းနေတယ်ဆိုတာ
ကိုယ်ချင်းစာရင်ပြီးရော..................